فره‌نسا هێزێن ئه‌سمانى ره‌وانه‌ى ده‌ریا ناڤه‌راست كرن

به‌رپرسه‌كێ بلند یێ سه‌ربازى یێ فره‌نسا ئاشكه‌را كر، وان 18 فرۆكێن جه‌نگى هنارتینه‌ ده‌ریایا ناڤه‌راست.

ئادمیرال مارك ئۆسیدات، فه‌رماندارێ یه‌كه‌یا هێزا 473ێ یا ‌فره‌نسى راگه‌هاند؛ حكومه‌تا ‌فره‌نسا دێ شیانێن خوه‌ یێن سه‌ربازى بهێزئێخیت بۆ چاڤدێریكرنا ره‌وشا رۆژهه‌لاتا ناڤین و پشكداریكرنێ د جه‌نگا دژى تیرۆرێ دا، بۆ ڤێ مه‌ره‌مێ ژى 18 فرۆكێن جه‌نگى ژ جۆرێ رافال یێن فره‌نسى هنارتینه‌ سه‌ر كه‌شتییا فرۆكه‌هه‌لگرا شارل دیگۆل ل ده‌ریایا ناڤه‌راست.

دیار ژى كر، ئه‌ركێ وان فرۆكان چاڤدێریكرنا ره‌وشا ده‌ڤه‌رێ یه‌ ب تایبه‌تى ئیراقێ و سووریێ. فرۆكێن فره‌نسى ژ كه‌شتییا شارل دیگۆل دێ ب سه‌ر ئه‌سمانێ ئیراقێ و سووریێ فرن و چاڤدێرییا وان دو وه‌لاتا كه‌ن.

به‌رفره‌هكرنا شیانێن ئه‌سمانى یێن فره‌نسا ل ده‌ریایا ناڤه‌راست پێخه‌مه‌ت داوى ئینانێ یه‌ ب تیرۆرێ و كاركرنێ یه‌ بۆ سه‌قامگیركرنا ده‌ڤه‌رێ.