كۆمپانیا دویێ یا سەربازی یا ئەمریكی خوه‌ ژ ئێراقێ ڤه‌كێشا

كۆمپانیا دویێ یا سەربازی یا ئەمریكی ل ئێراقێ، ئه‌ڤرۆ خوه‌ ڤه‌كێشا، كو یا تایبەتمەنده‌ د وارێ سەرپەرشتی و سه‌خبێركرنا فرۆكێن ئێف 16 یێن ئەمریكی، ئەڤ چه‌نده‌ هات كو به‌رى دو رۆژان، كۆمپانیه‌كا دیتر یا ب ناڤێ “سالی پۆرت” ب هەمان هۆكار و ژبه‌ر هێرشێن میلیشیاتێن چەكدارێن ئێراقی بجهـ هێلابوو.

جۆزیف لاماركا جۆنیۆر، بەرپرسێ پەیوەندیێن كۆمپانیا “لۆكهید مارتن” راگەهاند، تیمێ سه‌خبێركرنا فرۆكێن  “F16″یێن سه‌ر ب كۆمپانییا وان، كو ل بنگه‌هێ ئه‌سمانی یێ بەلەد د خوه‌جهـ بوون و ژمارا وان 80 كه‌س بوون، ژ ئه‌گه‌رێ بەردەوامییا هێرشێن میلیشیاتان، ناچار بوون ئێراقێ بجهبهێلن.