جڤاتا ئاساییشێ ناڤدهولهتى یا سەر ب نەتەوهیێن ئێکگرتی ڤه دهربارەی رهوشا ئێراقێ کۆمبوو، هنارتییا تایبەت یا ئەمیندارێ گشتی یا نەتەوهیێن ئێكگرتى ل ئێراقێ راگەهاند، بزاڤێن سەرۆکێ هەرێما کوردستانێ بۆ ئاشتیێ گهلهك گرنگن.
د کۆمبوونا جڤاتا ئاساییشێ ناڤدهولهتى دا چنین پلاسخارت، هنارتییا تایبەت یا ئەمیندارێ گشتی یێ نەتەوهیێن ئێكگرتى ل ئێراقێ گۆتارهك ل دۆر داوى پێشهات و روودانێن ئێراقێ پێشکێشکر و ستایشا رۆلێ نێچیرڤان بارزانی، سەرۆکێ هەرێما کوردستانێ کر ل دۆر بزاڤێن وى بۆ ئاڤاكرنا ئێكگرتنا مهزن یا كوردان.
چنین پلاسخارت ل دۆر سەرهدانێن نێچیرڤان بارزانی، سەرۆکێ هەرێما کوردستانێ بۆ لایەنێن ئێراقی و کوردستانی د دهمێ بوورى دا راگەهاند، بزاڤێن ڤێ داویێ یێن سەرۆکاتییا هەرێما کوردستانێ ژ پێخهمهت ئاڤاكرنا ئێكگرتنهكا مهزن یا كوردان یا هیڤى بهخش و جهێ دهستخۆشیێ بوویه.
