سه‌رۆكێ هه‌رێما كوردستانێ په‌یامه‌ك ل سالڤه‌گه‌را دامه‌زراندنا بنگه‌هێ لالش يێ ره‌وشه‌نبيرى به‌لاڤكر و راگه‌هاند، كار و به‌رهه‌مێن بنگه‌هێ لالش يێ ره‌وشه‌نبيرى وه‌ك كانييه‌كا زه‌لال دهۆرته د رووبارێ ره‌وشه‌نبيرييا كوردي دا.
نێچيرڤان بارزانى د په‌یاما خوه دا راگه‌هاند، چالاكى و خزمه‌تا بنگه‌هێ لالش يێ ره‌وشه‌نبيرى يێن دلسوزانه ژبۆ ئێزدياتيێ و كار و خه‌باتا وان ژ بۆ پێشڤه‌برنا كه‌لتوور و جڤاكا ئێزیدى، هه‌رده‌م جهێ رێزێن مه‌نه و ب هه‌ر ئاوايى پشته‌ڤانيا به‌ر‌نامه و ئه‌ركێ بنگه‌هێ لالش دكه‌ين.
سه‌رۆكێ هه‌رێما كوردستانێ بهه‌لكه‌فتا سالڤه‌گه‌را ئاڤاكرنا بنگه‌هێ لالش يێ ره‌وشه‌نبيرى ل هه‌موو ئه‌ندام و بنگه‌هـ و نڤيسينگه‌هێن وان و خووشك و برايێن ئێزیدى ل كوردستانێ و جيهانێ ب گه‌رمى پيرۆزكر، هيڤيا سه‌ركه‌فتنێ بۆ خاست.
