ئهندامهكێ سهركردایهتییا پارتییا دیمۆكراتا كوردستانێ راگههاند، ئسرائیلى ژبلى یاریكرنێ ب دۆزا كوردی و دروشمێن بێ ناڤهرۆك و بكارئینانا دۆزا كوردی وهك كارتا گهفكرنێ ل سهر وهلاتێن دهوروبهر چ تشت نهكرینه، كێشهیا ئسرائیلێ و فهلهستینییان ب ب ههروه بهرۆكێن كوردستانییان ژى گرتینه.
عەلی عەونی، د نڤیسینهكێ دا ب ناڤێ (شهرێ ئسرائیل و فهلهستینییان و كوردستانێ) ئاماژه كر، كێشهییا ئسرائیلێ و فهلهستینییان ب ب ههروه هاتییه و بهرۆكێن كوردستانییان ژى گرتینه و جادا كوردستانێ پارچه كرییه، كێشهیهكه كو ههكه ههر لایهنهك تێدا سهربكهڤیت بۆ خهلكێ كوردستانێ چ جوداهییهك نینه.
عهلی عهونی دیار ژی كر، فهلهستینى گهلهك پشتگیرییا ئهنفال و سهدامى كرییه و پهیكهرهك بۆ سهدامێ درنده دروستكرییه و ئسرائیلێ دۆزا كوردى تێكشێلایه و ئێكهم بالیوزێ وهلاتان كو دژى رێفراندۆما سهربهخوهیا كوردستانێ، ئهحمهد بللا عهقلێ فهلهستینى بوو.
گۆت ژی: سهركردایهتییا پارتى هۆشداریێ ددهت، نوكه وهسا دیاره كو ئهڤ شهره دێ درێژ بیت، چێدبیت ئسرائیل نهچار بیت چهكێ پێشكهفتى و نوو ب كاربینیت، ب ڤى شێوهى دێ مهیدانا شهرى بهرفرههتر لێ هێت و رۆژ بۆ رۆژێ دێ قوربانیێن شهرى زێدهتر لێهێن، ئهڤه ژى دێ بیته ئهگهرێ ئالۆزییان دناڤ وهلاتێن عهرهبان دا و چێدبیت هندهك ژ سهرۆكێن عهرهبان بهێنه كوشتن یان تیرۆركرن، ئهو وهلاتێن زێدهتر پێشكهفتن بخوه ڤه دیتى، ئهو پتر زیان ڤێبكهڤن، گهفهكا مهزن ل سهر ژیانا خهلكێ كوردستانێ ههیه، ئهگهر هات و ئیراق ب راستى خوه بكهته لایهنهكێ شهری، ل دووڤ پهیاما مستهفا كازمى وهسا دیاره ئیراقێ خوه كرییه تهرهفهكێ شهرى.
عهلی عهونی دوپاتی ل وێ یهكێ ژى كر، كو راستترین ههلویست ئهوه، كو كوردستان خوه نهكهنه لایهنێ ئهڤى شهرى، كو یێ وان نینه، ئهو گهلهك ژ مه مهزنترن، ههكه حكومهتا ههرێما كوردستانێ بشێت خوه بپارێزیت و سهر ب سهر ژ ڤێ ئالۆزیێ بهێته دهر، ل وى دهمى مفا و سهركهفتنهكا مهزن تۆمار كرییه.
