سهرۆكێ ههرێما كوردستانێ پهیامهك ب ههلكهفتا 59 سالییا دامهزراندنا ئێكهتییا مامۆستایێن كوردستانێ بهلاڤكر و راگههاند، مامۆستایێن كوردستانێ ب دلسۆزى رۆلهكێ بهرچاڤ و مهزن د پهروهردهكرن و فێركرنا بهرهبابكێن ئێك ل دویڤ ئێك یێن كوردستانێ ههبوویه.
نێچیرڤان بارزانى سالرۆژا دامهزراندنا ئێكهتییا مامۆستایێن كوردستانێ ل ههموو مامۆستایێن خۆشتڤى یێن كوردستانێ پیرۆز كر، هیڤیا سهركهفتنێ ژى بۆ خواست و گۆت: ئهرك و خهباتا پهروهردهیى و خزمهتا وان یا مهزن بۆ بهرهبابكێن كوردستانێ ب بلند ههلدسهنگینن.
نێچیرڤان بارزانى گۆت ژى: مامۆستایێن كوردستانێ د ههموو قۆناغان دا ب دلسۆزانه رۆلهكێ بهرچاڤ و مهزن د پهروهردهكرن و فێركرنا بهرهبابكێن ئێك ل دویڤ ئێك یێن كوردستانێ گێرایه و د رهوش و رۆژێن دژوار ژى دا د خزمهتێ دا بهردهوام بوون و نههێلا پرۆسا خواندنێ راوهستیت، لهورا ههموو دهمان جهێ رێزێ و دهستخۆشیێ نه.
سهرۆكێ ههرێما كوردستانێ د پهیاما خوهدا گۆت ژى: نها و پاشهرۆژا بهرهباكێن كوردستانێ ئهمانهتێ مامۆستایانه و دوپات كر كو مامۆستا ژ ههژى خزمهت و ژیانهكا باشترن و پێدڤییه ههموو مافێن وان پاراستى بن.
