<h3 style="text-align: justify;"><span style="font-size: 18pt;">ڤهكۆلینهكا نۆشدارێن زانکۆیا ئۆکسفۆرد دیار كرییه، دهمێ دو جۆرێن جودا یێن ڤاکسینان بۆ کەسهكێ دهێنه بکار ئینان، دێ کاریگەریێن لاوەکی زێده کەن. </span> <span style="font-size: 18pt;">پرۆفیسۆر ماتتیۆ سنەیپ، سەرپەرشتیارێ ڤهكۆلینا زانکۆیا ئۆکسفۆرد دبێژیت: وان دووڤچوون بۆ هندێ كرییه، كو ب کارئینانا دو جۆرێن جودا یێن ڤاکسینێ زیان هەیە یان دێ کاریگەرییا زێدهتر ههبیت.</span> <span style="font-size: 18pt;">ههروهسا گۆتییه، بۆ وان دیار بوویه، دهمێ دو ڤاکسینێن جودا وەکو فایزەر و ئەسترازینیکا بۆ کەسهكێ ب تێکەلی بکارئینایە، کاریگەریێن لاوەکی وەک سەرئێشان، لەرز و تا، ئێشانا زهبلهكان و کاریگەریێن لاوەکی یێن دیتر زۆرتر دەرکەفتینه.</span> <span style="font-size: 18pt;">د وێ ڤهكۆلینێ دا 830 کەسێن خۆبەخش پشكداربووینە، تێدا دەرکەفتییە ب تنێ 10٪ یا ئەوێن هەردو قۆرچێن ڤاکسینێ ئەسترازینیکا وەرگرتین تووشی تایێ بووینە، بەلێ ئەوێن قورچهكا فایزەر و ئێكا ئەسترازینیكا وەرگرتى 34٪ ژ وان تووشی تایێ و کاریگەریێن لاوەکی یێن وهكى سەرئێشانێ، ژانا زهبلهكان و سەرئێشێ بووینە. </span></h3>
