ب ههلكهفتا 59 سالییا دامەزراندنا ئێكهتییا مامۆستایێن كوردستانێ، سەرۆک مەسعوود بارزانی د پەیامهکێ دا پیرۆزباهی ئاراستهى ههموو مامۆستایێن كوردستانی کرن.
سهرۆك بارزانى د پەیامت خەودا گۆت: ب ڤێ ههلكهفتێ ب دهلیڤه دزانم، كو سوپاسییا رۆلێ بلند یێ مامۆستایان بكەم د بهلاڤكرنا هشیارییا نەتەوەیی و نیشتمانپەروەری و پێگەهاندنا قوتابیان د ههموو قوناغێن شۆرهش و خەبات و تێكۆشانا گەلێ مه دا.
سەرۆک بارزانی ئاماژە ب وێ یەکێ دا، كو هەردەم ئەو ل بهرچاڤێن وانه كو د خۆشی و نهخۆشییان دا مامۆستایێن كوردستانێ فیداكارانە هەردهم پێشەنگێن خۆڕاگریێ بووینە و وان نههێلایه پرۆسەیا خواندن و زانستێ ل كوردستانێ راوەستیت و سەرباری ههبوونا قەیرانان و كێشەیێن مهزن، مامۆستایێن عهزیز نموونەكا بلند بووینە بۆ هاندان و پێگەهاندن و بەردەوامبوونا فێربوون و زانستێ.
سەرۆک بارزانی د داوییا پەیاما خوه دا سوپاسییا ئەرك و ماندووبوونا مامۆستایێن كوردستانێ کر و گۆت: ئهو ههموو خوه ب قەردارێن مامۆستایان دزانن، هیڤییا بەردەوامی و سەركەفتنێ ژی بۆ هەموو مامۆستایێن خۆشتڤى یێن كوردستانێ خواستن.
