سەرۆکێ حکومەتا هەرێما کوردستانێ په‌یامه‌ك ب هه‌لكه‌فتا 59 سالیا دامه‌زراندنا ئێكه‌تییا مامۆستایێن كوردستانێ به‌لاڤكر و راگه‌هاند، مامۆستایێن كوردستانێ هه‌رده‌م رۆله‌كێ گرنگ بۆ پێگه‌هاندنا قوتابى و داكۆكیرن ل مافێن گه‌لێ كوردستانێ هه‌بوویه.
مه‌سروور بارزانى ب هه‌لكه‌فتا دامه‌زراندنا ئێكه‌تییا مامۆستایێن كوردستانێ پیرۆزباهى ل هه‌موو مامۆستایێن کوردستانێ و سەرۆک و سکرتاریەتا ئێكه‌تیا مامۆستایێن کوردستانێ كر و گۆت: رێز ل خەباتا پەروەردە و نشتمانییا مامۆستایێن کوردستانێ دگرن.
مه‌سروور بارزانى دیاركر، کار ژبۆ باشتركرن و بلندكرنا ئاستێ خزمه‌تگوزارییا خواندن و فێرکرن و پاراستنا مافێن مامۆستایان دكه‌ن.
سەرۆکێ حکومەتا هەرێما کوردستانێ ل داویێ سوپاسیا مامۆستایێن کوردستانێ كر، د ره‌وشا دژوار دا به‌رده‌وام بوون ل خزمەتکرن و درێژپێدان ب پرۆسەیا خواندن و پەروەردەکرنا قوتابیێن کوردستانێ .
