تورکیا نامێن کوردی و تورکی ب رێکا فرۆکان بۆ پەکەکێ هاڤێتن

لەشکەرێ تورکیا ب ڕێکا فرۆکان ل دەڤەرێن سنۆری یێن کانی ماسێ و باتیفا و دەرکارێ هەژمارەکا پوستەر و نامەیان ل دەڤەرێن شەر و ئالوزی هەین بەلاڤکرن.

خانی نیۆز ڤیا ڕاستیا بابەتی بزانیت شڤانێ گوندەکێ دەڤەرا کانی ماسێ کو نەڤیا ناڤێ خوە بێژیت دازانین وی ب‌ چاڤێ خوە دیتیە هەژمارەکا کاغەزان فرۆکان بەرداینە خارێ ، لێ ناڤهاتی گۆت نزانم چ تێدا هاتیە نڤیسین یان بوۆچ مەرەم بوون و من نەشیا خوە نێزیک بکەم یان وێنەیان بگرم.

زاناریێن ب دەست خانی نیوز کەفتین فرۆکێن تورکیا چەندین جارە ب ڤی ڕەنگی تورکیا پوستەرناما ل جهێ لڤینێن پەکەکە لێ هەیی بەلاڤ دکەت تێدا ب ڤی ڕەنگێ ل خوارێ داخاز ژ ئەندامێن پەکەکێ کریە کو خوە ڕادەست بکەن و دەست ب ژیانەکا نوی بکەن 

* ما ئێدی دەم نەهاتیە ببێژنە یێن کو ب سالانە تە دخاپینن و دەستەکێ وان د هنگڤینی دا و دەستەکێ وان د رونی دا “راوەستە/بسەکنە”؟

* نەبنە یاریێن خایینێن کو ل ژیانا وە نافکرن.

* نە قەدەرا هەوە یە کو هوون د شکەفتان دا د بن شەرت و مەرجێن نەمرۆڤانە یێن کو ل سەر هەوە هاتینە فەرزکرن دا بژین.

* تو هێژان د بهارا ژیانا خوە دا یی، تە هێژان تشتەک ژ دەست نەدایە.

* یێن کو گەهشتنە مالباتێن خوە نها ب دلشادی ژیانا خوە بەردەوام دکەن، وان نموونە وەربگرە

* د ژیانا وە یا ژ ڤێرە هێرڤە د گەل مالبات و خۆشتڤیێن هەوە دا ژیانەکا درێژ د دەست هەوە دا یە.

* جهێ ترسا مرنێ، تونەبوونێ و بەلنگازیێ ژیانەکا ب ئارام و ئەولەدار هەلبژێرن.

* ئیسرارێ د خەلەتیێ دا نەکەن! بەری کو ژ بۆ هەوە ببیتە درەنگ وەرن تەسلیمی دادگەهێ ببن! دەولەتا مە هەرگاڤ دلنازک و دلۆڤانە.

نزارمەجید ، خانی نیوز