عەلی نەعمەت، بەرپرسێ راگەهاندنا سەرۆکاتیا باژێرڤانیا زاخۆ بۆ خانی نیوز راگەهاند، پرۆژێ ئاڤرێژێن گرتی ل ناڤا سەنتەرێ قەزا زاخۆ ب درێژاهیا ههشت كیلۆمهترا نها کەفتیە کاری و ئهڤه بۆ جارا ئێکێ یە پرۆژەکێ ب ڤی ئاواى ل زاخۆ بهێتە بجهئینان، ههروهسا ئهگهر پرۆژه ب داوى هات، مەترسیا لەهیان و باران نامینن و ب ئەندازەكا رێکخستی هاتیە دیزاینکرن.
عەلی نەعمەت گۆت: هەشت ملیار و پێنج ملیۆن دینارێن ئیراقی بۆ پرۆژەى هاتینە مهزاختن و ب هەمان کۆژمە چار کیلۆمەترێن جاددێن ناڤخۆ دێ ئێنە قێرکرن.
بەرپرسێ راگەهاندنا سەرۆکاتیا باژێرڤانیا زاخۆ دیاركر، ههژمارەکا پرۆژێن خزمەتگوزاری ل سەر پێشینەیا مههانه ل ناڤا سەنتەرێ قەزایێ دا بەردەوامن و چاڤەرێ دهێتەکرن ل نێزیک هەژمارەکا دی یا پرۆژێن خزمەتگوزاری بکەڤنە کاری .
