وه‌زیرێ به‌رگرییا ئیراقێ دێ دووڤچوونا رێكه‌فتنا سوپایێ ئیراقێ و پێشمه‌رگه‌ى كه‌ت

وه‌زیرێ به‌رگرییا ئیراقێ دێ دووڤچوونێ بۆ بجهئینانا رێكه‌فتنا سوپایێ ئیراقێ و هێزێن پیشمه‌رگه‌ى كه‌ت.

جومعه‌ عیناد، وه‌زیرێ به‌رگرییا ئیراقێ ئه‌ڤرۆ ب سه‌ره‌دانه‌كێ گه‌هشته‌ كه‌ركووكێ و ل گۆره‌ى زانیارییان دێ دگه‌ل به‌رپرس و فه‌رماندارێن سه‌ربازى و ئه‌منى یێن كه‌ركووكێ كۆمبیت و گۆتۆبێژان ل دۆر دانانا میكانزمه‌كێ بۆ بجهئینانا ریكه‌فتنا هێزێن ئه‌منى و پێشمه‌رگه‌ى كه‌ت.

رێكه‌فتنا دناڤبه‌را وه‌زاره‌تا پێشمه‌رگه‌ى و وه‌زاره‌تا به‌رگرییا ئیراقێ هاتییه‌ ئیمزاكرن و یا تایبه‌ته‌ ب پركرنا ڤالاتییا ئه‌منى یا ده‌ڤه‌رێن ده‌رڤه‌ یین ئیدارا هه‌رێما كوردستانێ دناڤبه‌را پێشمه‌رگه‌ى و سۆپایێ ئیراقێ دا.