هه‌ڤپەیمانییا سائیرۆن: ڤه‌گەریانا پێشمەرگەى بۆ کەرکوکێ چ کێشە تێدا نینە

هه‌ڤپەیمانییا سائیروون ل جڤاتا نوونه‌رێن ئیراقێ یا موقتەدا سەدر رێبەراتییا وێ دكه‌ت راگه‌هاند، وان چ کێشە ل گەل پرسا ڤه‌گەریانا پێشمەرگەى بۆ کەرکووکێ نینن.

سەلمان ئەلغرێباوی، ئەندامێ هه‌ڤپەیمانییا سائیروون بۆ سازیێن میدیایێ راگه‌هاند، پرسا ڤه‌گەریانا هێزێن پێشمەرگەى بۆ کەرکووکێ د دەستێ مستەفا کازمی، فەرماندارێ گشتی یێ هێزێن چەکدارى دایه‌.

گۆت ژى: هه‌ڤپەیمانییا سائیروون پشته‌ڤانییا هەر بریاره‌كێ دكه‌ت، كو فەرماندارێ گشتی یێ هێزێن چەکدارى دەربكه‌ت.

وى ئەندامێ هه‌ڤپەیمانییا سائیروون دیار كر ژى: چ کێشە و رێگرییەک ل چوونا پێشمەرگەى بۆ کەرکووکێ نینە، ژبه‌ركو پێشمەرگە پشكه‌كه‌ ژ سیستەمێ بەرگرییا ئێراقێ.