بكارئینانا ئاواز و سترانێن فولكلورى بۆ رێكلامێن بازرگانی هاتنه‌ قه‌ده‌غه‌ كرن

وه‌زاره‌تا ره‌وشه‌نبیری و لاوان یا حكومه‌تا هه‌رێما كوردستانێ بریار دا ژ ئه‌ڤرۆ و وێڤه‌ بكارئینانا ئاواز و سترانێن یێن فولكلورى بۆ رێكلامێن بازرگانی بهێنه‌ قه‌ده‌غه‌ كرن.

ل دووڤ نڤیساره‌كا وه‌زاره‌تا ره‌وشه‌نبیری، كو ئیمزایا‌ وه‌زیرێ ره‌وشه‌نبیری حه‌مه‌ی حه‌مه‌ سه‌عید ل سه‌ره‌‌ و رۆژا 20 گولانێ ب‌ ژماره‌ (1/1/2205) ده‌رچوویه‌، هاتییه‌‌: ئاماژه‌ ب قانوونا ژماره‌ (17) یا قانوونا مافێ دانه‌رى، ماددێ چارێ، یێ وه‌زاره‌تا ره‌وشه‌نبیری و لاوان خودانییا سه‌رجه‌م ئاوازێن‌ فولكلوری دكه‌ت، یێن كو خودانێن وان د‌ دیار نینن.

هه‌روه‌سا گۆتییه‌: دخوازن راگرتنا سه‌رجه‌م وان رێكلامێن كو ستران و ئاوازێن فولكلور و هونه‌رمه‌ندێن نه‌ته‌وه‌یى تێدا بهینه‌ بكارئینان بۆ مه‌ره‌كا كارێن بازرگانى.