هه‌ولێر.. بازرگانه‌كێ ماددێن هشبه‌ر هاته‌ گرتن

رێڤه‌به‌رێ نه‌هێلانا ماددێن هشبه‌ر  سه‌ر ب رێڤه‌به‌ریا گشتیا ئاساییشا هه‌ولێرێ راگه‌هاند، د چالاكیه‌كا مه‌زن دا بازرگانه‌كێ ماددێن هشبه‌ر ده‌سته‌سه‌ر كر كو خه‌لكێ توركیایه‌ و ئاكنجیێ هه‌ولێرێ یه‌.

رێڤه‌به‌رێ نه‌هێلانا ماددێن هشبه‌ر ل هه‌ولێرێ ئاشكرا كر، پشتى زانیاریێن هوور ژ لایێ ئه‌فسه‌ر و كارمه‌ندێن رێڤه‌به‌ریا نه‌هێلانا ماددێن هشبه‌ر گه‌هشتینه‌ وان، ئه‌ڤرۆ رێكه‌فتى 23-5-2021 ل باژێرێ هه‌ولێرێ د چالاكیه‌كا مه‌زن دا شیان بازرگانه‌كێ ماددێن هشبه‌ر ده‌سته‌سه‌ر بكه‌ن ب ناڤێ (ع.ج.ع) كو خه‌لكێ توركیایه‌ و ئاكنجیێ باژێرێ هه‌ولێرێ یه‌. 

دیار ژى كر كو ده‌ست ب سه‌ر 184 قالبێن ماددێن هشبه‌ر ژ جۆرێ هێرۆین گرت، كو دبنه‌ 92 كیلۆگرام .

تاوانبار ل دووڤ ماددێ 25 ژ قانوونا ماددێن هشبه‌ر هاتیه‌ ده‌سته‌سه‌ركرن.