کۆرۆنایێ 9 کەس کرنە ملیاردێر

راپۆرته‌كا ئابووری یا جیھانی ئاشکراکر، نه‌هـ کەسان ل جیهانێ ژ ئه‌گه‌رێ سەرھەلدانا ڤایرۆسێ کۆرۆنایێ بووینە ملیاردێر، ئەڤه‌ ژى ژ ئه‌گه‌رێ ڤه‌دیتنا قۆرچێن ڤاکسینا کۆرۆنایێ و فرۆتنا چەند کەلوپەلێن نۆشدارى بوویه‌.

مالپه‌رێ فۆربس دیار كرییه، نه‌هـ‌ کەسێن دی ل جیھانێ بووینه‌ ملیاردێر و چووینه‌ رێزا ٣١ ملیاردێرێن دی یێن جیھانى.

ئه‌و ژى گۆتییه‌ سه‌رجه‌مێ گشتی یێ سامانێ وان نه‌هـ ملیاردێران نێزیكى ٢٠ ملیار دۆلارانه‌، ئه‌و ژى ئه‌ڤه‌نه‌:

ستیفن بانسل، رێڤەبەرێ جێبەجێکار یێ کۆمپانیا مۆدێرنا.

سامان: ٤.٣ ملیار.

ئوگور شاھین، رێڤەبەر و دامەزرێنەرێ کۆمپانیا بایۆنتێک.

سامان: ٤ ملیار دۆلار.

تیمۆتی سپرینگەر، وەبەرھێنەر ل کۆمپانیا مۆدێرنا.

سامان: ٢.٢ ملیار دۆلار.

نۆیبار ئافیان، سەرۆکێ کۆمپانیا مۆدێرنا.

سامان: ١.٩ ملیار دۆلار.

خوان لۆپێز بێلمۆنت، سەرۆکێ ROVI، کۆمپانیا ڤه‌گوهاستنا ڤاکسینى.

سامان: ١.٨ ملیار دۆلار.

رۆبەرت لانگەر، زانا و وەبەرھێنه‌ر ل کۆمپانیا مۆدێرنا.

سامان: ١.٦ ملیار دۆلار.

ژو تاو، دامەزرێنەرێ کانسینۆ بایۆلۆژیک.

سامان: ١.٣ ملیار دۆلار.

کیو دۆنکسو، جێگرێ سەرۆکێ کانسینۆ بایۆلۆژیک.

سامان: ١.٢ ملیار دۆلار

ماو ھوینوا، ھه‌ڤپشكێ کانسینۆ بایۆلۆژیک.

سامان: ١ ملیار دۆلار.