ره‌وتا حیكمه‌: هه‌ژمارەكا ئالیێن سیاسی بزاڤا پاشخستنا هه‌لبژارتنێن پێشوەخت دكه‌ن

سەرکردەكێ ره‌وتا حیکمە یا ئیراقى راگەهاند، هه‌ژماره‌كا ئالیێن سیاسی بزاڤا پاشخستنا ھەلبژارتنێن پێشوەخت یێن جڤاتا نوونەرێن ئێراقێ دكه‌ن.

رەحیم عەبوودی د داخویانیه‌كا رۆژنامەڤانی دا راگه‌هاند، هه‌ژمارەكا ئالیێن سیاسی، كارتێكرن ل سه‌ر جاددا ئێراقى نه‌مایه‌، بزاڤا پاشخستنا ھەلبژارتنێن پێشوەخت دكەن و گۆت ژى،: هه‌ژمارەكا لایەنێن سیاسی یێن دی ژى رەت دكه‌ن كو ھەلبژارتن بهێنه‌ پاشخستن.

ناڤهاتى گۆت ژى: ئەو ئالیێن سیاسى یێن بزاڤا پاشخستنا ھەلبژارتنان دكه‌ن، کارى ل سەر سیناریۆیه‌كا دی دكه‌ن، ئه‌و ژى ئه‌وه‌ ل قۆناغێن بهێن دا حکومەته‌كا ده‌مكى بهێته‌ پێکئینان، هه‌تا وى ده‌مێ ھەلبژارتن دهێنه‌ كرن، ئەو ئالى ژبه‌ر پاراستنا ھەژموون و بەرژەوەندییا خوه‌ یا سیاسی وه‌ دكه‌ن.