پشتی نیڤرۆیا ئەڤرۆ پۆلیسێن قەزا بەردەرەش ھاتنە ئاگەھدار کرن کو تەرمێ ژنەکێ ل سنۆرێ قەزا بەردەرەش ھاتیە دیتن و شوونوارێن گوللەیان ل سەر ھەنە. تێمێن پولیسێن تایبەت ل قەزا بەردەرەش ل جھێ روودانێ ئامادە بوون و پشکنین ل جھێ روودانێ و ل سەر لاشێ وێ ھاتە کرن و دیار بوویە کو شوونوارێن گوللەیان ل سەر لاشێ وێ ژنێ ھەبووینە، راستەخۆ تەرمێ وێ بۆ پزیشکییا داد ل دھوکێ ھاتە رەوانەکرن، ھەتا نھا ناسناما وێ ب دروستی دیار نەبوویە، بەلێ پێشبینی دھێتە کرن ژیێ وێ ٣٠ بۆ ٣٥ سالان بیت، ڤەکۆلینێ دەست پێکریە ژلایێ پۆلیسێن نەھێلانا گونەھباریا ل بەردەرەش بۆ زانینا ئەگەرێن تاوانێ و گرتنا تۆمەتباران.
