دوبارە چیایێ دێرێ هاتە تۆپبارانكرن

بەری دەمەکێ تۆپخانا تورکیا چیایێ دێرێ ل سنۆرێ دەڤەرا باتیفا تۆپبارانكر.

فەوزی گولی، ئاکنجییه‌كێ گوندێ مەلا عەرەبە بۆ خانى نیوز دیارکر، بۆ جارا دویێ تۆپخانا تورکیا چیایێ دێرێ تۆپبارانكر و ئاقارێ گوندى نیڤەک هاتییە سۆتن و ترسا گوندییان ئەوە كو گەنم و جەهێ وان ژى بهێته‌ سۆتن، ژبه‌ر كو ئاگر یێ پێڤە دهێت، هه‌ر چه‌نده‌ گوندییان  بزاڤكرینه‌ كو ئاگرى ڤه‌مرینن، لێ دشیانێن وان دا نه‌بوویه‌.

زنجیرا چیایێ دێرێ ژ کۆمەلگەها بێرسڤێ هەتا دگەهیتە گوندێ خیزاڤا نێزیکی (٣-٥ )کیلۆمەتران ژجاددا سەرەکی یا زاخۆ بۆ باتیفا دوورە، هەر جهێ لڤینێن پەکەکێ لێ هەبن سوپایێ توركیا وی جهی تۆپباران دکەن.