رێژا پێدانا کارەبێ ل دویڤ سیستەمێ زیرەک هاتە دیارکرن

وەزارەتا کارەبا هەرێما كوردستانێ رێژا پێدانا کارەبێ ل سەر سیتەمێ پیڤەرێ زیرەک دیار کر، ل گۆرەی سیستەمێ نوو یێ کارەبێ بۆ جورێ هەڤپشك یێ سینگل فەیس 40 ئەمپێر و بۆ سری فەیس 90 ئەمپێرێن کارەبێ دێ هێنە دان،.

ل دۆر سزایێ بکارئینانا کارەبا زێدەتر ژ رێژا وەزارەتێ دیارکری، د راگەهاندنا وەزارەتێ دا هاتییە، کارەب دێ ل ژێر کۆنترۆلا سیستەمی بیت و سزایێ بکارئینانا کارەبا زێدە ژی ب ڤی شێوازێ ئوتوماتیک هاتییە رێکخستن، ئەگەر بکارهێنەرەکێ رێژا زێدەتر ژ رێژا دیارکری یا کارەبێ بکارئینا و بۆ دەمێ 45 چرکا کارەبا زێدە کێم نه‌کر، دێ کارەبا وی بۆ دەمێ 150 چرکان هێتە برین، پشتی دەربازبوونا ڤی دەمی دێ جارەکا دی کارەب ب شێوەکێ ئوتوماتیک هێتە ڤە، دیسان ئەگەر بۆ دەمێ 30 خولەکان پێنچ جاران کارەبا وەلاتیەکێ هاتە برین و کارەبا زێدە کۆنترۆل نەکر، ل وی دەمی وەک سزایەکێ گرانتر دێ بو دەمێ 45 خولەکا کارەبا گشتی هێتە برین.

خانی نیوز، مەتین عومەر