مه‌سروور بارزانى سەرپەرشتییا کۆمبوونا تایبەت ب رەشنڤیسێ قانوونا بودجەی كر

 سەرۆکێ حکومەتا هەرێما کوردستانێ، ئەڤرۆ دوشەمبى، سەرپەرشتییا کۆمبوونەكێ کر، کو یا تایبەت بوو ب رەشنڤیسێ قانوونا بودجەیێ هەرێما کوردستانێ بۆ سالا 2021 ێ.

مەسرور بارزانی د گه‌ل قوباد تالەبانی، جێگرێ سەرۆکێ حکومەتێ و هه‌ژمارەكا وەزیرێن پەیوەندیدار رەشنڤیسێ قانوونا بودجەیێ هەرێما کوردستانێ و داوى داتایێن تایبەت ب خەرجی و داهاتێن هەرێمێ گۆتوبێژکرن.  

د كۆمبوونێ دا ئاشكرا كرییه‌ كو پێدڤییە قانوونا بودجەى، رەنگڤه‌دانا زه‌لال یا ره‌وشا دارایی یا هەرێما کوردستانێ بیت، د كڤانێ وێ کۆمبوونێ دا، وەزارەتێن پەیوەندیدار راسپاردن کو داوى تێبینی و سەرنجێن خوه‌ ل سەر رەشنڤیسێ وێ قانوونێ ئامادە بکەن، داكو ل ده‌مه‌كێ نێزیک، جڤاتا وەزیران رەشنڤیسێ وێ پرۆژەقانوونێ پەسەند بکه‌ت و پاشى بۆ پەرلەمانێ کوردستانێ بهنێریت.