مەسروور بارزانی سەرۆکێ حکومەتا هەرێما کوردستانێ، ئهڤرۆ پێشوازی ل ئۆله دیل، بالیۆزێ ئەلمانیا ل ئێراقێ کر، کو ب ههلكهفتا دووماهى هاتنا ئەرکێن وى سەرهدانا هەرێما کوردستانێ کرییە.
د وێ دیدارێ دا کلێمێنس زێمتنەر، کونسولێ گشتی یێ ئەلمانیا ل هەولێرێ ئامادە ببوو، سەرۆکێ حکومەتێ سوپاسییا بالیۆزێ ئەڵمانیا کر بۆ ئەرك و خزمەت و بزاڤێن وى، ژ پێخهمهت گهشهپێدانا پەیوەندیێن دناڤبهرا ئێراقێ و هەرێما کوردستانێ ل گەل ئەلمانیا و هیڤییا سەرکەفتنێ بۆ خواست د ئەرکێ وى یێ نوو دا.
بالیۆزێ ئەلمانیا دووپاتى ل بەردەوامبوونا پشتگیریێ و هارکاریێن ئەلمانیا بۆ هەرێما کوردستانێ و ب تایبەتی هێزا پێشمەرگەى کر د رووبروو بوونا تیرۆریستێن داعشێ دا .
