د خوهنیشادانێن باژێرێ بهغدا دا كو دژى كۆشتنا چالاكڤانان و رۆژنامهڤانان هاتبوون كرن، 28 كهس بوونه قوربانى.
خوهنیشادانێن بهرفرههـ دوهى رۆژا سێشهمبى ل بهغدا و پتریا باژێرێن باشوورێ ئیراقێ ل ژێر ناڤێ كێ ئهس كوشتم ب پشكدارییا دههان هزار كهسان هاتنهكرن.
خوهنیشادان ب مهرهما دهربرینا نهرازیبوونێ دژى كوشتنا چالاكڤان و رۆژنامهڤانان بوو و خوهنیشادهران داخواز ژ حكومهتا ئیراقێ كر تاوانباران دهستهسهربكهن و ب سزایێ وان بگههینن.
ژ ئالیێ خوهڤه هێزێن ئهمنى ب گوللهیان بهرسڤا خوهنیشادهران دا و ب هێزا چهكى داوى ب خوهنیشادانێ ئینا، ئهڤرۆ ژى ههردو وهزارهتێن ناڤخوه و ساخلهمییێ یێن ئیراقێ لیستهكا ناڤێن قوربانییێن خوهنیشادانێ بهلاڤكر.
ل گۆرهى زانیارییێن ههردو وهزارهتان، ل خوهنیشادانێن دوهى یێن بهغدا دو كهسان ژیانا خوه ژدهست دایه و 26 كهس ژى برینداربوون.
