پێله‌كا زكچوون و دلرابوونێ دناڤ زارۆیان دا به‌لاڤبوویه‌

نۆشداره‌كێ پسپورێ نه‌خۆشیێن زارۆیان د نڤێسینه‌كێ دا هۆشداریێ دان و راگه‌هاند، پێله‌كا زكچوونێ و دلرابوونێ د ناڤ زارۆیان دا به‌لاڤبوویه‌، هه‌موو سالان دگه‌ل هاتنا وه‌رزێ گه‌رمێ زكچوون و دلرابوون گه‌له‌ك زێده‌ بوویه‌ دناڤ زارۆیان دا، ئه‌وژى ژ ئه‌گه‌رێ كارتێكرنا بلندبوونا پێلا گه‌رمێ و گه‌شه‌كرنا هنده‌ك به‌كتریان.

د. عه‌بدوللا، شیره‌تان ل دایك و بابان دكه‌ت كو ل نك خوه‌ چاره‌سه‌ریان نه‌كه‌ن، چونكى چاره‌سه‌ریێن وان د جودانه‌ و دبیت ئه‌گه‌ر ڤایرۆس یان به‌كتریا یان پاراسایت یان خوارنێن شرین بیت، ژ بۆ رێگریكرنا ژ تووشبویێن زكچوون و دلرابوونێ پێدڤییه‌ ڤان رێنمایان بكاربینن.

هه‌مى ئاڤێ بكه‌لینن پاش سار بكه‌ن بۆ خوارنێ بكاربینن، خوارنی دناڤ سه‌لاجێ دا هه‌لبگرن، كه‌سكاتیێ به‌رى خوارنێ جان بشوون، ده‌م ده‌م ده‌ستێ زارۆیێ خوه‌ بشوون ب تایبه‌تى پشتى ته‌والێتێ، خاولى و كه‌فچكێن ئێك و دو بكارنه‌ئینن، دوویربكه‌فن ژ وان خوارنێن ژ ده‌رڤه‌ بتایبه‌تى یێن ل سه‌ر عه‌ره‌بانان.