رێڤینگ هرۆرى: قۆناغا ئێكێ یا چاكسازیێ رێكخستنا مووچه‌یێ پێشمه‌رگه‌یه‌

 سه‌رۆكێ لژنا پێشمه‌رگه‌ی ل په‌رله‌مانێ كوردستانێ بۆ خانى نیوز راگه‌هاند، كو به‌رنامه‌یێ چاكسازیێ دێ دناڤ هێزێن پێشمه‌رگه‌ی دا كه‌ڤیته‌ د وارێ بجهئینانێ دا و هه‌ڤپه‌یمان ژى دهاریكارن بۆ رێكخستنا هێزێن پێشمه‌رگه‌ى و پلان بۆ هاتییه‌ دانان.

رێڤینگ هرۆرى، ئاماژه‌ دا ، كو كار دێ ل سه‌ر میلاكاتان و رێكخستنا یه‌كه‌یێن 70 و 80ێ  هێته‌ كرن، و كارێ سه‌ره‌كى ژى رێكخستنا مووچه‌یه‌.

گۆت ژى، كو هه‌ردوو یه‌كه‌یێن حه‌فتێ و هه‌شتێ رازه‌مه‌ندییا خوه‌ نیشان دایه‌ بۆ هندێ كو بێخنه‌ د چوارچووڤه‌یێ وه‌زاره‌تا پێشمه‌رگه‌یدا، و هه‌ردوو یه‌كه‌یێن 70 و 80 راسپاردینه‌ كو میلاكاتێن خوه‌ پێشكێشى وه‌زاره‌تا دارایى و ئابوورى بكه‌ن، و قوناغا ئێكێ رێكخستانا مووچه‌یه‌، و پاشى قوناغێن دیتر د دووڤدا دهێن.

خانى نیوز، عه‌بدوللا عه‌لى