موسلم موتعیب، سەرۆکێ دەستەیا سەرپەرشتیارییا دادوەری ل جڤاتا بلند یا دادوەرییا ئێراق، ئەڤرۆ بۆ میدیایێن ئیراقى دیار كرییه: جڤاتا دادوەرییا هەرێمێ ب درێژاهییا سالێن 2018، 2019 و 2020 ب سێ کاروانان 301 تۆمەتبار رادەستى جڤاتا بلند یا دادوەریێ کرینه، کو ژ لایێ دادگهها فیدرالى یا ئێراقێ هاتینه داخواز کرن، ل گۆرهى تۆمەتێن جۆدا، بەلێ پرانییا تۆمەتان ل دووڤ مادێ 4 یا قانوونا بەرهنگاربوونا تیرۆرێ بووینه.
جڤاتا بلند یا دادوەرییا ئێراقێ ل 26 چریا دویێ یا سالا 2018 دا بریارا پێکئینانا لژنەکا دادوەری دا، ئهو لژنە پێکهاتییە ژ موسلم موتعیب و سەرۆکێن دادگهها فیدرالى یێن تێهەلچوونێ ل نەینەوا، کەرکووک، ل گەل سەرۆکێن دادگهها تێهەلچوونێ ل دهۆکێ و هەولێرێ و سلێمانییێ.
