وەزارەتا په‌ترۆلا ئێراقێ رێژا هنارتن و داهاتێ نه‌فتا هه‌یڤا بوورى ئاشكرا كر و بهایێ هه‌ر بەرمیله‌كێ په‌ترۆلا هاتییه هنارتن ب تێكرایا مه‌ها بوورى 65 دۆلار و 46 سەنت بووینە.
وەزارەتا په‌ترۆلا ئێراقێ ئاماژە ب هندێ دایه، کو ل مه‌ها بوورى رۆژانە دو ملیۆن و 800 هزار بەرمیل ل کێلگه‌هێن په‌ترۆلا باشور و ناڤه‌راستا ئێراقێ و 99 هزار بەرمیل په‌ترۆلا رۆژانە، ل کێلگەهێن په‌ترۆلا کەرکووکێ بۆ ده‌رڤه هنارتینه.
ل مه‌ها گولانێ دا، ب گشتی 89 ملیۆن و 881 هزار و 268 بەرمیلێن په‌ترۆلێ ب رێیا کۆمپانیا (سۆمۆ) هنارتینه ژ ده‌رڤه.
بهایێ گشتی یێ هنارتنا په‌ترۆلا ئێراقێ ل مه‌ها بوورى پێنج ملیار و 880 ملیۆن دۆلار بوون.
