توركیا: ئۆپه‌راسیۆنێ سه‌ربازى ل ناڤا هه‌رێما كوردستانێ دێ به‌رده‌وام بن

جڤاتا ئاساییشا نشتیمانییا توركیا ب سه‌رۆكاتییا سه‌رۆككۆمارێ وى وه‌لاتى كۆم بوو و راگه‌هاند، ئۆپه‌راسیۆنێن سه‌ربازى یێن سوپایێ توركیا ل دژى گه‌ریلایێن پارتییا كاركه‌رێن كوردستانێ په‌كه‌كێ ل ناڤا ئاخا هه‌رێما كوردستانێ دێ به‌رده‌وام بن.

جڤاتا ئاساییشا نشتیمانییا توركیا پشتى كۆمبوونا خوه‌د به‌یانه‌كێ دا راگه‌هاند، ئۆپه‌راسیۆنێن سوپایێ وان پێخه‌مه‌ت بنبركرنا په‌كه‌كێ ب درێژاهییا سنۆرێن وان د گه‌ل هه‌رێما كوردستانێ دێ به‌رده‌وام بن.

ئاشكرا ژى كر، بۆ هشككرنا ژێده‌رێن تیرۆرێ دێ ئۆپه‌راسیۆنان ژ ده‌رڤه‌ى سنۆرێن خوه‌ ژى كه‌ن، لێ دێ سه‌روه‌رییا وه‌لاتان و ئێكپارچه‌یا ئاخا وان پارێزن.