وەزیرێ ناڤخوهیێ حکومەتا هەرێما کوردستانێ یەکخستنا هێزێن 70 و 80 د چارچۆڤهیێ وەزارەتا پێشمەرگەى ب پرۆسەكا ئاسانتر دبینیت ل رێکخستنا یەکەیا پاسەوانان و گۆت، یەکەیا 80 ب بریارا پارتی خستییە سەر وەزارەتا پێشمەرگەى و داخواز ژ ئێکهتیێ كر كو یەکەیا 70 بێخنە سەر وەزارەتا پێشمەرگەى، گۆت ژى: “چیایێ مەتینا چیایەکێ باشورێ کوردستانێ یه و هێزا پێشمەرگەى یا ئازادە ل هەر جههكێ بڤێت لڤینێ بکهت و سەنگەران دانیت بۆ هندێ ئاسایش و ئارامییا هەرێما کوردستانێ بهێته پاراستن”.
وەزیرێ ناڤخوهیێ حکومەتا هەرێمێ ل گەل ژمارهكێ ژ ستافێ وەزارەتێ ل گهل لژنا ناڤخوه و ئاسایشێ و جڤاتا خۆجهى ل پەرلەمانێ کوردستانێ کۆمبوویە، گوتۆبێژ دهربارهى (خانەنشینییا هێزێن ناڤخوه و ئاسایشێ و جڤاتێن خۆجهى، راستڤهكرنا قانوونا چەکى یا ژمارە 16 یا سالا 1993، دروستکرنا یەکەیێن پاسەوانان ل هەرێما کوردستانێ و هەروەسا پەیرەوێ هاتنوچوونێ ل هەرێما کوردستانێ).
