وه‌زاره‌تا دارایى و ئابوورى ل گه‌ل به‌رپرسێن ئابوورى یێن ئه‌مریكا كۆمبوو و راگه‌هاند، كو كوردستان به‌ره‌ف قووناغه‌كا باش یا گه‌شه‌كرنا ئابووریڤه دچیت.
ئه‌ڤرۆ سێشه‌مبى 8-6-2021، ئاوات جه‌ناب نورى وه‌زیرێ دارایى و ئابوورى پێشوازى ل دو به‌رپرسێن بلند یێن ئابوورى یێن ئه‌مریكى ل ئێراقێ و هه‌رێما كوردستنانێ كر.
د راگه‌هاندنێ دا هاتییه، ئاوات جه‌ناب نورى وه‌زیرێ دارایى و ئابوورى پێشوازى ل (خالد لوم) و خاتین (لیزا پۆدۆنلى) به‌رپرسا به‌شێ ئابوورى ل كونسولخانا گشتى یا ئه‌مریكا ل هه‌ولێرێ كر ، هه‌ردو لایان به‌حس ل سه‌ر گورانكاریێن رێكه‌فتنا دناڤبه‌را هه‌رێم و به‌غدا كر.
د وێ كۆمبوونێ دا ئاوات جه‌ناب نورى وه‌زیرێ ئابوورى و دارایى گۆت: هه‌رێما كوردستانێ یا ئاماده‌یه رێككه‌فتنێ بكه‌ت و ناهێلیت خه‌لكێ وێ بیته قوربانى، كوردستان ژى یا به‌ره‌ف قووناغه‌كا باش یا گه‌شه‌كرنا ئابووریڤه دچیت د قووناغێت داهاتى دا زێده‌تر پشت ب وارێ هه‌موو جۆرێن دى یێن ئابوورى گرێده‌ت.
وه‌زیرێ دارایى دك ۆمبوونێ دا رووهنكرییه، به‌رپرسێن ئابوورى و ئه‌مریكا پێنگاڤێن وه‌زیرێ دارایى و ئابوورى و به‌رپرسێن دى یێن هه‌رێما كوردستانێ بلند نرخاندن و هیڤیا وان ئه‌و بۆ، به‌غدا زووترین ده‌م ئاریشێن هه‌لاویستى یێن دناڤبه‌را هه‌ولێر و به‌غدا دا چاره‌سه‌ر بكه‌ن.
