جوتیار عادل: بێى لێبرین دێ مووچه‌ى به‌لاڤكه‌ین

په‌یڤدارێ حكومه‌تا هه‌رێمێ رادگه‌هینیت، كو ب مه‌رجه‌كى دشێن بێى لێبرین مووچه‌ى به‌لاڤكه‌ن، ئه‌گه‌ر بهایێ نه‌فتێ جێگیر بیت و چاكسازى یا به‌رده‌وام بیت.

جوتیار عادل، په‌یڤدارێ حكومه‌تا هه‌رێمێ، ئه‌ڤرۆ چارشه‌مبى 9 خزیرانا 2021ێ و د لێدوانه‌كا رۆژنامه‌ڤانیدا راگه‌هاند: كو زێده‌ترى 11 هه‌یڤه‌ حكومه‌تا ئیراقێ پاره‌ نه‌هنارتییه‌ و چ بهانه‌ ژى بۆ حكومه‌تا ئیراقێ نه‌هێلاینه‌.

ئاماژه‌ ژى دا، كو پێدڤییه‌ پێداچوون ب شێوازێ كۆمڤه‌كرنا داهاتى بهێته‌ كرن، كومپانى ژى هه‌بوونه‌ كو بۆ ده‌مێ 10 سالان لێبورینا گومركى بۆ هاتییه‌ كرن.

په‌یڤدارێ حكومه‌تێ دیاركر، كو ئه‌و یێ كاردكه‌ن بۆ هندێ كو گیرۆبوونا مووچه‌ى دوباره‌ نه‌بیته‌ڤه‌، ئه‌گه‌ر بهایێ نه‌فتێ جێگیر بیت و چاكسازى یا به‌رده‌وام بیت، دشێن بێى لێبرین مووچه‌ى به‌لاڤكه‌ین.