بەرپرسێ ئۆفیسا دهۆک یا کۆمسیونا هەلبژارتنێن ئیراقێ راگەهاند، تا نها 20 هزار کەسان ناڤێ خوە بۆ سەر سندۆقێن دەنگدانێ نڤیسیە و تا 1/8 ناڤ نڤیسین دێ یا بەردەوام بیت.
خالد عەباس، بەرپرسێ ئۆفیسا دهۆک یا هەلبژارتنێن ئیراقێ تایبەت بۆ خانی نیوز گۆت، ئەو کەسێن کو تا نها ناڤێ خوە بۆ سەر سندوقێن دەنگدانێ نڤیسی گەهشتینە 20 هزار کەسان و د دەمەکێ دا وان ب تنێ پێتڤی ب 10 هزار کارمەندان هەیە، و دڤێت ئەو کەسێن کو ناڤێ خوە د نڤیسن ئاکنجیێن پارێزگەها دهۆکێ بن و باوەرناما وان ژ یا ئامادەیی کێمتر نەبیت و ناڤ نڤیسینا ب شێوێ ئۆنلاین تا 1/8 دێ یا بەردەوام بیت.
خالد عەباس گۆت ژی، ڕێژ بایومەتری ل پارێزگەها دهۆکێ 74% و ل ڕۆژا 1/5 ب دوماهی هاتیە، هەر وەسا کارتێن دەنگدانێ ب ڕێژا 92% ل سەر خەلکی هاتینە بەلاڤکرن، و گۆت ژی ل پارێزگەها دهۆکێ 264 بنگەهـ هاتینە بەرهەڤکرن بۆ ڕۆژا دەنگدانێ.
