<h3 style="text-align: justify;"><span style="font-size: 18pt;">ل سه‌رانسه‌رى هه‌رێما كوردستانێ نێزیكى 700 هزار پیڤه‌رێن زیره‌ك یێن كاره‌بێ گرێداینه، ژبه‌رڤى ئه‌گه‌رى دانا كاره‌با نیشتیمانى بلند بوویه.</span></h3> <h3 style="text-align: justify;"><span style="font-size: 18pt;">عه‌لى ئیسماعیل ئه‌ندامێ لژنا پیڤه‌رێن زیره‌ك د لێدوانه‌كێ دا بۆ مالپه‌رێ فه‌رمیێ وه‌زاره‌تا كاره‌با راگه‌هاندییه، ژ 40 سه‌دێ هه‌ڤپشكێن كاره‌با هه‌رێما كوردستانێ خودان پیڤه‌رێن زیره‌كن ژ سه‌رچه‌مێ ئێك ملیۆن و480 هزارهه‌ڤپشكێن كاره‌باێ وپیڤه‌رێن زیره‌ك نێزیكى 700 هزاركه‌سان گرێدایه هه‌ردوو كردارێن دیاركرى یێن وزا كاره‌بێ و چاپكرنا پسولان ب سیسته‌مێن تورێن زیره‌ك كه‌فتینه كارى.</span></h3> <h3 style="text-align: justify;"><span style="font-size: 18pt;">ئاماژه ب وێ داییه ، كو ژ ئه‌گه‌رێ گرێدانا 48 سه‌دێ پیڤه‌رێ زیره‌ك بۆ هه‌ڤپشكێن كاره‌بێ ئه‌ڤ مفایێ ل خوارێ بده‌ست ڤه ئینایه .</span></h3> <h3 style="text-align: justify;"><span style="font-size: 18pt;">- كێمكرنا رێژا ب هه‌دردانا وزا كاره‌بێ ژلایێ هه‌ڤپشكان ڤه</span></h3> <h3 style="text-align: justify;"><span style="font-size: 18pt;">- بلند بوونا ریژا دانا كاره‌با نیشتیمانى.</span></h3> <h3 style="text-align: justify;"><span style="font-size: 18pt;"> - كێمكرن وكارپێكرنا مولیدێن ئه‌هلى كو بوویه ئه‌گه‌رێ كێمكرنا خه‌رجیێن هه‌ڤبه‌ش یێن مولیدێن ئه‌هلى بۆ 5 هزار دینار دڤێ هه‌یڤێدا ، ل ده‌مه‌كى دا هه‌مى ئێراق 10-15 هزار دیناره.</span></h3> <h3 style="text-align: justify;"><span style="font-size: 18pt;">- كێمبونا پیسبوونا ژینگه‌هێ</span></h3> <h3 style="text-align: justify;"><span style="font-size: 18pt;">-كێمبوونا ئاریشێن هه‌ڤپشكان ژلایێ كاره‌بێ ڤه زێده‌بوونا باوه‌ریا وه‌لاتیان ب كاره‌با نیشتیمانى.</span></h3> <h3 style="text-align: justify;"><span style="font-size: 18pt;">- كێمكرنا سه‌رپێچیان.</span></h3> <h3 style="text-align: justify;"><span style="font-size: 18pt;">- پسولا كاره‌با هه‌یڤانه كو پێشتر هه‌ر دووهه‌یڤان جاره‌كێ بوو.</span></h3> <h3 style="text-align: justify;"><span style="font-size: 18pt;">وه‌زاره‌تا كاره‌بێ د چارچوڤێ كارناما كابینا نه‌هێ دا ده‌ست ب گه‌شه‌پێدانا كه‌رتێ كاره‌بێ كریه بۆ دانا پیڤه‌رێن زیره‌ك بۆ هه‌ڤپشكان، ئاریشا كاره‌بێ ئێكجارى چاره‌سه‌ركر.</span></h3> <h3 style="text-align: justify;"></h3> <h3 style="text-align: justify;"></h3>
