ئێراقێ لبه‌ره‌ هەشت وێستگەهێن ئەتۆمی ب كۆژمێ 40 ملیار دۆلاران دابمه‌زرینیت

دهێته‌ پێشبینی كرن هه‌تا سالا 2030 خواست ل سه‌ر كاره‌بێ 50٪ بلند ببیت، کەمال حوسێن سەرۆکێ دەسته‌یا رێکخستنا ژێده‌رێن تیشکدەرێن ئێراقێ گۆت، بێى وزا ئەتۆمی ئێراق د قەیرانه‌كا كویر دایه‌.

د پلانا ئێراقێ دایە هەشت وێستگەهێن ئەتۆمی ب هاریکارییا رووسیا دروست بکه‌ت، ب تەمامكرنا وان وێستگەهان ئێراق دێ شێت ل سەر قەیرانا کارەبێدا زال بیت.

رۆژنامەیا تایمز یا بریتانی دیار كرییه‌، شیانین وان وێستگەهێن ئەتۆمی دێ نێزیکی 11 گێگاواتان بن و ئێراق بزاڤێ دكه‌ت 40 ملیار دۆلاران ب قەر بۆ ده‌مێ 20 سالان وەربگریت، بۆ ڤێ مه‌ره‌مێ ل گەل فەرەنسا و ئەمریکا و رووسیا و کۆریا باشۆر دەست گوتۆبێژان كرییه‌.