هەژمارەکا ئه‌ندامێن بزاڤا گوران دێ دەست ژکارکێشانا خوە راگه‌هینن

هەژمارەکا ئه‌ندامێن بزاڤا گوران بریاره‌ ئه‌ڤرۆ رۆژا پێنجشه‌مبى ل پاركا ئازادى دەست ژکارکێشانا خوە ژ بزاڤا گوران راگه‌هینن.

خورشید فەرەج گولی، ئێک ژ ئه‌ندامێن گوران و چالاکڤانێ دیارێ بادینان بۆ خانی نیوز راگەهاند، ل دەستپێکێ ئه‌وان دڤیا دکونگرەکێ روژنامەڤانی دا ل باتیفا دەست ژکارکێشانا خوە ب راگەهینن به‌لێ پشتی هەژمارە زێدە یا پەیوەندی ب ئه‌وان هاتیه‌ كرن کو بەرهەڤن دەست ژکاربکشێن ژبەر هندێ کونگرێ روژنامەڤانی هاتە ڤەگوهاستن بۆ ناڤەندا پارێزگەها دهۆکێ و بریارە ئەڤرۆ رۆژا پێنج شەمبی سه‌عه‌ت دویێ پشتی نیڤرۆ ل پارکا پانۆراما ئازادی كونگرە بهێتە سازکرن.

خورشید فەرەج گوت؛ دێ هەمی راستی و نەداپەروەریا بزاڤا گۆران و ئەگەرێ دەست ژکارکێشانا خوە دکۆنگرەیی دا دیارکەین، چاڤەرێ دهێتە کرن هه‌ژماره‌كا بەرچاڤ دگەل مەدا بەشدار ببن و خوە ژ بزاڤا گۆران ڤەکێشن.

خانی نیوز، نزار مەجید