ئێكه‌تیا ئه‌ورۆپا دێ ل دۆر كوچبه‌ربوونا خه‌لكێ ئیراقێ كۆم بیت

ئێكه‌تیا ئه‌ورۆپا راگه‌هاند، وه‌زیرێن ده‌رڤه‌ دێ دانوستاندنێ ل دۆر داوى پێشڤه‌چوونێن ره‌وشا ئیراقێ ب تایبه‌ت هه‌لبژارتنان، ئاسایش و ئارامى یا ده‌ڤه‌رێ و په‌یوه‌ندیێن هه‌ردو ئالییان و پرسا كۆچبه‌ربوونا خه‌لكێ ئیراقێ كه‌ن.

بریاره‌ ل 10 چریا ئێكێ یا ئه‌ڤساله‌ هه‌لبژارتنێن جڤاتا نوونه‌رێن ئیراقێ بهێنه‌كرن، ئێكه‌تیا ئه‌ورۆپا ئاماژه‌ ب هندێ كر، جڤاتا ئاساییشا سه‌ر ب نه‌ته‌وه‌یێن ئێكگرتى بریار دایه‌ د چارچووڤێ هاریكاریێن  نه‌ته‌وه‌یێن ئێكگرتى دا چاڤدێریا هه‌لبژارتنێن ئیراقێ بكه‌ت و هاریكاریا لۆجیستى دابین بكه‌ت بۆ چاڤدێر و رێكخستنێن ناڤده‌وله‌تى.

ل دویڤ به‌رنامێ كۆمبوونا ئێكه‌تیا ئه‌ورۆپا، د ده‌مێ نانخوارنا نیڤرۆ دا دێ دگه‌ل فوئاد حسێن، وه‌زیرێ ده‌رڤه‌یێ ئیراقێ كۆم بن و دانوستاندنه‌كا نه‌فه‌رمى بكه‌ن.