جوتیار عادل: زانیاری ده‌رباره‌ی دابه‌شكرنا مووچه‌یێ داهاتى راگه‌هاندن

په‌یڤدارێ حكومه‌تێ: هه‌تا نوكه‌ ئه‌م نزانین كا  چاوا مووچه‌ دێ هێته‌ به‌لاڤكرن

په‌یڤدارێ حكومه‌تا هه‌رێما كوردستانێ راگه‌هاندن، ئه‌م چاڤه‌رێى گه‌هشتنا ئه‌وی كوژمێ پاره‌ینه‌، كو بریاره‌ ژ به‌غدا وه‌ك شایسته‌یێن دارایى بۆ هه‌رێما كوردستانێ بهێته‌ ره‌وانه‌كرن.

جوتیار عادل ئاماژه‌ دا كو حكومه‌تا ئیراقێ، دێ مه‌هانه‌ 200 ملیار دیناران بۆ هه‌رێما كوردستانێ ره‌وانه‌ كه‌ت، ئه‌م چاڤه‌رێنه‌ بریار بهێته‌ جێبه‌جێكرن، هه‌تا نوكه‌ ژى ئه‌م نزانین كا مووچه‌ دێ چه‌وا هێته‌ دابه‌شكرن.

گۆتى ژى: “پشتى هنارتنا كوژمێ پاره‌یى ژ به‌غدا، ب هه‌ماهه‌نگى د گه‌ل وه‌زاره‌تا دارایى و ل دوویڤ داهاتێ ل به‌رده‌ست، پاره‌ بۆ مووچه‌ى دێ هێته‌ دابین كرن.