وهزارهتا ساخلهمی و ژینگهها ئیراقێ راگههاند: لیژنهكا نۆشدارى پێكئینایه ب مهرهما دووڤچونا پرسا بهلاڤبوونا نهخوشیا كڤاركا رهش و ژمارا توشبوو و كهسێن گیانێ خوه ژ دهستداین.
رهبی فهلاح حهسهن، ئهندامێ تیما راگههاندنا نۆشدارى ل وهزارهتا ساخلهمى و ژینگههێ راگههاند: وهزارهتا وان لیژنه و تیمێن نۆشدارى ب مهرهما دووڤچوون بۆ كهیسێن گومانلێكرى یێن كڤاركا رهش راسپاردیه و دهركهفتیه هندهك حالهت ههنه بهلێ ب فهرمى نههاتینه پشتراستكرن و ژمارا وان زور نینه ههتا ژ نهخوشیێن بهربهلاڤ بهێته دانان.
گوت ژى : ئهڤ نهخۆشیه بهرى بهلاڤبوونا ڤایرۆسێ كۆرۆنایێ ههبوو، نۆشدارێن ئیراقى چاوانیا چارهسهریا وێ نهخۆشیێ باش دزانن.
ئاماژه ب هندێ ژى كر : پێدڤیه ئهو كهسێن نیشانێن نهخۆشیێ ههى سهرهدانا بنگههێن ساخلهمیێ بكهن ژبۆهندێ رێ ل بهلاڤبوونا ڤێ نهخوشیێ بهێته گرتن، ب تایبهت ئهو كهسێن نهخوشیێن دوم درێژ ههین وهك، نهخۆشیا شهكرێ ههروهسا نهخوشیا كڤاركا رهش زێدهتر ل وان كهسان دهردكهڤیت یێن بهرگریا لهشێ وان لاواز.
