<h3 style="text-align: justify;"><span style="font-size: 18pt;">هێمن ههورامى، جێگرێ سهرۆکێ پهرلهمانێ كوردستانێ، ئهڤرۆ 20-6-2021 دپرێس کۆنفرانسهکیدا راگەهاند: "ل گەل حازم تەحسین بەگ، میری ئێزدیان کۆمبوویه، بۆ هندێ پرسا تایبەت ب دەستوورێ هەرێما کوردستانێ گۆتوبێژ بكهن و گوتییه ژى: "بۆ مه گرنگە بیروبۆچوونێن میرێ ئێزدیان ل سەر دەستوورێ هەرێما کوردستانێ بزانین، بۆ پاراستنا مافێن پێکهاتەیان، بۆ هندێ ژى دێ دگەل میرێ ئێزدیان ل سەر خەت بین، داكو ئەرک و مافێن وان د پاراستى بن.</span></h3> <h3 style="text-align: justify;"><span style="font-size: 18pt;">ناڤهاتى گوت ژى: "پێدڤییه قانوونا سالا 2015 بهێته راستڤهكرن و قانوونهكا نوو بهێته دانان، دا بزانین فراکسیۆن دێ چهوا رێکكهڤن، ئایا لژنەیا بهرێ بمینیت، یان لژنەکا نوو دابمەزرینین، ئەوا بۆ مه گرنگ ئەوە، كو نوونەرێ ئێزدیان دناڤ وێ لژنێدا هەبیت.</span></h3> <h3 style="text-align: justify;"><span style="font-size: 18pt;">جێگرێ سهرۆکێ پهرلهمانێ كوردستانێ ئاشکرا کر ژى: "پرۆژێ دادگهها تایبەتمەند ب تاوانبارێن داعشێ هاتییه پەرلەمانێ کوردستانێ و چەندین کۆمبوون ل سەر هاتینه كرن، دروستکرنا ئەوێ دادگهها بۆ مه گرنگە، مه ڤیایه بۆچوونێن میرێ ئێزدیان ل سەر ئەڤى بابەتى بزانین، هەروەسا ل گەل هەدیە موراد، نوونەرا ئێزدیان ل پەرلەمانى پێکڤه کار بکەن و هەماهەنگی ل گەڵ میرێ ئێزدیان هەبیت، ئهم پشتهڤانییا ئێزدییان بۆ پاراستنا ههموو ئەرک و مافێن وان دكهین.".</span></h3> <h3 style="text-align: justify;"><span style="font-size: 18pt;">هێمن هەورامی گوتى ژى: "ئهم ههموو پێكهاتهیان ژى پشت راست دكهین، کو مافێن هەموویان د دەستووریدا دێ د پاراستى بن.</span></h3> <h3 style="text-align: justify;"></h3>
