وەزارەتا بازرگانی و پیشەسازیا هەرێمێ راگەهاند، ل رۆژا سێ شەمبى 22/6/2021 ئێكه‌م روژا وه‌رگرتنا گه‌نمێ جوتیارانه ل هه‌موو سایلویێن هه‌رێمێ.
نەوزاد کامیل رێڤه‌به‌رێ گشتى بازرگانیا هه‌رێمێ ل وه‌زاره‌تا بازرگانى و پیشه‌سازى راگه‌هاند: ژلایێ وه‌زاره‌تا بازرگانى و حكومه‌تا فیدرال ڤه هاتینه ئاگه‌هدار كرینه كو هه‌رێم ده‌ست ب وه‌رگرتنا گه‌نمێ جوتیاران بكه‌ت.
ئاماژه ب هندێ ژى كر : ل دووڤ وان پلانێن هاتینه دانان بۆ وه‌رگرتنا گه‌نمى داخاز هاتیه كرن روژا سێ شه‌مبى22/6/2021ئێكه‌م رۆژا ده‌سپێكا وه‌رگرتنا گه‌نمى ل هه‌موو سایلویێن هه‌رێمی بهێته راگه‌هاندن.
حه‌فتیا بوورى وه‌زاره‌تا بازرگانى و پیشه‌سازی راگه‌هاند : د كومبوونا هه‌ردو وه‌زاره‌تێن چاندنێ و حكومه‌تا فیدرال و حكومه‌تا هه‌رێما كوردستانێ بریار هاتیه دان بۆ ئه‌ڤ ساله رێژا 375هزار ته‌نێن گه‌نمێ جوتیارێن هه‌رێمێ بهێنه وه‌رگرتن.
