دهزگههێ رهوشهنبیری و راگههاندنا پارتى دیموكراتى كوردستان بهرسڤا دۆران كالكانى ددهت و راگههاند، پهیوهندیێن سهرانێن پهكهكێ ب كورد و كوردستانێ ڤه ب تنێ خوه سهپاندنه ب سهر ئاخهكێ دا ئهو ژى كوردستانه و بكارئینانا وان گهنجێن كورد یێن كو بووینه قوربانى شهرێ پهكهكێ.
دراگههاندنهكا پشكا رۆژنامهڤانى یا دهزگههێ رهوشهنبیرى یێ راگههاندنا پارتى دا هاتییه، ئاخفتنێت كالكانى وهكى راپۆرتهكێ نه بۆ رازیكرنا دهوروبهران نڤێساینه و ئهو زانیارییه د نهێنینه چ كهس و لایهن د ئاگههدار نینن، ئاشكراكرنا وان پارتى دیموكراتى كوردستان ئیحراج دكهت و پارتى ب ئاشكرا ههلویستى وهردگریت و ب روونى ئاخفتنا خوه دكهت.
دیار كر ژى، ئاخفتنا ڤێ جارێ جهێ سهرنجراكێشێ یه، كالكان بهروڤاژى د ههر لێدوانهكا بیست سالێن بورى دا یا سهرانێن پهكهكێ ناڤێ كورد و كوردستانێ چهندین جاران دووباره دكهت، دیسا ئهڤه ژى بزاڤهكا دییه بۆ سهردابرنا گهنجێن كورد و خهلكێ كوردستانێ، بهرى چهند سالانه ناڤێ كورد و كوردستانێ د فهرههنگ و ئهدهبیاتێن سهرانێن پهكهكێ دا نهمایه، بگره ژ خهباتا نهتهوهیی و بزاڤكرن بۆ مافێن خهلكێ كوردستانێ ژ لایێ سهرانێن پهكهكێ ڤه.
