حکومەت و پەرلەمان دێ ل سەر پرسا مووچەى و قاچاخچییه‌تییا خالێن سنووری کۆم بیت

بریارە رۆژا دوشه‌مبى، حكومەتا هەرێمێ و پەرلەمانێ کوردستانێ، بۆ گوتۆبێژكرنێ ل سەر ئه‌گه‌رێن لێبڕینا مووچە و قانوونا چاكسازی و قاچاخچییا خالێن سنوورى كۆم ببن و هژمارەكا وەزیر و بەرپرسێن حكومەتا ھەرێما كوردستانێ دێ ئامادەی وێ روونشتنێ بن.

د. رێواس فایه‌ق، سه‌رۆكا په‌رله‌مانێ كوردستانێ دنڤێسینه‌كێ دا ئه‌ندامێن په‌رله‌مانێ كوردستانێ گازى كرینه‌ بۆ كۆمبوونا 28 ڤێ مه‌هێ ل رۆژا دوشه‌مبى ده‌مژمێر 11 به‌رى نیڤرۆ، ڤێ كۆمبوونێ دا 6 بابه‌ت ب خوه‌ڤه‌ گرتینه‌ و دێ لدۆر لێبرینا مووچه‌یێ فه‌رمانبه‌ران و جێبه‌جێبوونا قانوونا چاكسازىێ و بودجه‌ى ب ئاماده‌بوونا به‌رپرسێن حكومه‌تێ هێنه‌ گۆتۆبێژكرن.

هه‌روه‌سا دێ دانوستاندنێ ل سه‌ر چه‌ند پرۆژێن قانوونى كه‌ن و ده‌مێ بێهنڤه‌دانا هاڤینێ بۆ مه‌هه‌كێ دێ هێته‌ كێم كرن و خولا بهارى مه‌هه‌كێ دێ درێژ بیت.