پرتوكه‌كا ب ملیۆن دۆلاران پشتى 18 سالان ژ به‌رزه‌بوونێ هاته‌ دیتن

هێزێن ئێمناهى یێن ئیراقێ ده‌سته‌سه‌ركرنا 4 كه‌سان ب تومه‌تا دزینا پرتوكا پیرۆزا جوهیان ( ستێرا داوود)ى راگه‌هاند كو بۆ ماوێ 18 سالانه‌ ژ موزه‌خانا به‌غدا هاتبوو دزین.

رێڤه‌به‌ریا نه‌هێلانه‌ گونه‌هباریا یا ئیراقی د به‌یاننامه‌كێ دا راگه‌هاند؛ پرتوكا پیرۆزا جوهیان ( ستێرا داوود) پشتى چه‌ندین سالێن لێگه‌ریانێ هاته‌ دیتن و چار كه‌س ب تومه‌تا هه‌لگرتنا وێ هاتینه‌ ده‌سته‌سه‌ركرن.

ل گوره‌ى به‌یاننامێ، بهایێ پرتوكێ ب ملیۆنه‌كا دۆلاران هاتبوو خه‌ملاندن و لده‌مێ تاوانبارا بزاڤكری بفروشن، هاتنه‌ ده‌سته‌سه‌ركرن.

ل ده‌مێ كه‌تنا رژێما سه‌دام حوسێن ل سالا 2003ێ، پرتوكا ( ستێرا داوود) دگه‌ل چه‌ندین پارچێن دى یێن گرانبها ژ موزه‌خانا به‌غدا هاتبوونه‌ دزین و پرانیا وان تا نها د به‌رزه‌نه‌