نێچیرڤان بارزانى دگه‌ل بالیوزا ئوسترالیا كۆمبوو

نێچیرڤان بارزانى سه‌رۆكێ هه‌رێما كوردستانێ ئێڤاریا ئه‌ڤرۆ سێشه‌مبى 2021/6/29 پێشوازی ل  خاتۆن پۆلا گانلى بالیۆزا ئوسترالیا ل ئێراقێ كر، پشتى ده‌ستبكاربوونێ ئێكه‌م جاره‌ سه‌ره‌دانا هه‌رێما كوردستانێ دكه‌ت، داكو ژ نێزیك ڤه‌ ره‌وشا هه‌رێما كوردستانێ و دیتن و بۆچوونێن  سه‌ركرداتییا هه‌رێمێ ده‌رباره‌ى پرسان بزانیت.

د كۆمبووونێدا سه‌رۆك نێچیرڤان بارزانى پیرۆزباهیا ده‌ست بكاربوونێ لێكر هیڤیا سه‌ركه‌فتنێ بۆ خواست، هه‌روه‌سا خاستا هه‌رێما كوردستانێ بۆ به‌رده‌وامبوونا په‌یوه‌ندیان د هه‌موو واراندا دگه‌ل ئۆسترالیا ده‌ربرى و پشتگیری و هاریكارییا وه‌لاتێ خوه‌ بۆ ئێراق و هه‌رێما كوردستانێ ل شه‌رێ دژى تیرورێدا كر.

 هه‌روه‌سا به‌حسێ رولێ پێشمه‌رگه‌ى ل ده‌مێ شكاندنا داعش دا كر پێزانینێن وه‌لاتێ خوه‌ بۆ حه‌واندنا ئاواران و په‌نابه‌ران ل هه‌رێما كوردستانێ ب تایبه‌تى ئاوارێن مه‌سیحى و ئێزدى دووپاتكر.

د كۆمبوونێدا شه‌رێ تیرۆرێ و ئه‌گه‌رێن مه‌ترسیێن سه‌رهلدانا داعش و ڤاكسینێ دژى كۆرۆنایێ و هه‌لمه‌تا ڤاكسیندانێ ب ڤایرۆسێ دژى كۆرۆنایێ و به‌غدا و ره‌وشا ده‌ڤه‌رێ ب گشتى چه‌ند پرسیارێن دى جهێ گرنگیه‌كا ‌هه‌ڤبه‌ش گۆتوبێژكرن.