حوكمه‌تا هه‌رێمێ: ئه‌و فرۆكێن ئه‌مریكا یێن هێرش كریه سه‌ر میلیشیاتان ل هه‌ولێرێ نه‌فرینه
خانى نیوز:
د. جوتیار عادل، په‌یڤدارێ حکومەتا هەرێما کوردستانێ ئه‌ڤرۆ رۆژا چارشه‌مبى راگه‌هاند: د ڤان رۆژان دا ئێك ژ به‌رپرسێن میلیشیاتێن ( کتائب سید الشهداء ) ب ناڤێ ئەحمەد المکسوس بانگەشا وێ یه‌كێ كریه كو ئەو فرۆکەیا ئەمریكى یا هێرش کریه سەر میلیشیاتان، ل فرۆكخانه‌یا هەولێر فریبوو، ڤێ ئاخفتنێ ره‌ت دكه‌ین ژبه‌ركو چ بنەما بۆ نینن.
د. جووتیار عادل ئاماژه ب وێ یه‌كێ كر ئه‌و هێرشێن بۆ سه‌ر هه‌ولێرێ هاتینه كرن ژ ئالیێ گرۆپێن ژ یاسایێ ده‌رچوویى بوویه و دبێژیت: نوكه ئه‌ڤ ئاخافتنه رامانه‌كا خراب دگه‌هینیت.
په‌یڤدارێ حکومەتا هەرێما کوردستانێ دیاركر ژى ،هەر هێرشەکا دی لسەر هەولێرێ بهێـته كرن گومان دكه‌ڤیته سەر وان ئالیێن ئەحمەد مەکسوس و هه‌ڤشێوه‌یێن نوونه‌راتیا وى دکەن، ژبه‌ركو ئەڤ چه‌نده رێخۆشکرن و دروستكرنا هێجه‌تێن پێش وه‌خته بۆ ب ئارمانجكرنا هه‌ولێرێ یه.
