ب تۆمه‌تا ئه‌ندامبوونێ د پارتا كاركه‌رێن كوردستانێ، په‌كه‌كێ دا، به‌رپرسه‌كێ هه‌ده‌پێ ل مێرسینێ هاته ده‌سته‌سه‌ركرن.
هێزێن ئه‌منى یێن توركیا ب بریارا دادگه‌هێ حه‌سه‌ن جیده، ئه‌ندامێ ده‌سته‌یا برێڤه‌برنا لقێ رێكخستنێن هه‌ده‌پێ ل پارێزگه‌ها مێرسینێ هاته ده‌سته‌سه‌ركرن.
حه‌سه‌ن جیده ل سالا 2011ێ ب تۆمه‌تا ئه‌ندامبوونێ د پارتا په‌كه‌كێ دا لایێ دادگه‌هێ ڤه هاتبوو داخوازكرن و دۆسه‌یا وى ب ڤه‌كرى مابوو، ب فه‌رمانا سییێ یا دادگه‌ها سزایێن گران یا وێ پارێزگه‌هێ فه‌رمانا ده‌سته‌سه‌ركرنێ بۆ هاته نووكرن و بریارا ده‌سته‌سه‌ركرنا وى هاته‌دان و بۆ زیندانێ هاته ره‌وانه‌كرن.
