وه‌زیرێ په‌روه‌ردێ: 43 ملیار دینار بۆ مامۆستایێن وانه‌بێژ هاتنه‌ خه‌رجكرن

وەزیرێ پەروەردێ ئاشکرا كر، كو ب ڕازیبوونا  سەرۆکێ حکومەتا هەرێما کوردستانێ، و د سه‌ر نه‌بوونا ده‌وامێ را ژى  هه‌تا  نووكه‌ 43 ملیار دینار بۆ مامۆستایێن وانەبێژ هاتینه‌ خەرج کرن.

د.ئالان حەمەسەعید،  وەزیرێ پەروەردا حکومەتا هەێما  کوردستانێ ئەڤڕۆ شەمبى 3/7/2021 د پرێس کۆنفرانسه‌کێدا ڕاگه‌هاند: “ب ڕازیبوونا جەنابی سەرۆکێ حکومەتا هەرێما کوردستانێ، هه‌تاكو نوكه‌ 43 ملیار دینار بۆ مامۆستایێن وانەبێژ هاتینه‌ خەرج کرن، هه‌یڤانه‌ ئه‌وا هاتییه‌ خه‌رجكرن زێده‌تر ژ 6 ملیار و 500 ملیۆن دینار بوویه‌.”.

دووپاتى كرییه‌ ژى كو  “هه‌یڤێن 3و 4و 5 و هه‌یڤا 10 تاکو  12، کو دەوام ژى نه‌هاتییه‌ كرن، به‌لێ پارەیەکی دیاركرى بۆ وانەبێژان خەرج کرییه‌، ئه‌وا ئه‌م دشیێن دێ كه‌ین بۆ وانه‌بێژان و مه‌ یا كرى ژى.

وه‌زیرێ په‌روه‌ردێ ئاماژه‌ ب هندێ دایه‌ كو د چوارچووڤێ پێداچوونا میلاكاتان ئه‌وا پێدڤى بۆ مامۆستایێن وانه‌بێژ دێ كه‌ین.

ل دوو ڤ بریارا حكومه‌تا هه‌رێما كوردستانێ د سالا بوریدا هه‌تاكو نوكه‌ بۆ مامۆستایێن وانه‌بێژ بۆ هه‌لگرێن باوه‌رنامێن به‌كالوریۆس و د سه‌ردا، 300 هزار دینار بۆ هه‌ر هه‌یڤه‌كێ دێ هێنه‌ خه‌رجكرن، بۆهه‌لگرێن باوه‌رنامێن دبلۆمێ ژى، 250 هزار دینار دێ هێنه‌ خه‌رجكرن.

ل هه‌رێما كوردستانێ نێزیكى 18 هزار وانه‌بێژان هه‌نه‌ و شایسته‌یێن دارایى بۆ وان دهێنه‌ دان.