سهرۆكێ ههرێما كوردستانێ نێچیرڤان بارزانى، ئهڤرۆ چارشهمبى 14-7-2021ێ دگهل شاندهكێ بلندێ ههڤپهیمانییا ناڤدهولهتى یا نههێلانا داعشێ ل عێراقێ و سوریێ كۆمبوو ، و داوى پێشهاتێن ئهمنى هاتنه گۆتوبێژكرن ههروهسا بهحسێ ههماههنگییا دناڤبهرا پێشمهرگهى و لهشكهرێ عێراقێ بۆ نههێلانا داعشێ كر.
د راگههاندنێ دا هاتییه كو بارزانى ئهڤرۆ چارشهمبى پێشوازى ل جێگرێ سهركردێ هێزێن ههڤپهیمانییا ناڤدهولهتى ل عێراق و سوریێ جنرال ریتشارد بیل و شاندێ د گهلدا كر.
د دیدارێدا گۆتوبێژ ل سهر داوى پێشهاتێن شهرێ دژى داعشێ هاتنه كرن ل عێراقێ و سوریێ و ههماههنگییا دناڤبهرا پێشمهرگهى و لهشكهرێ عێراقێ و ئهركێن ههڤپهیامنیا ناڤدهولهتى دژى داعشێ، و دیاركرییه ژى كو ههردو لا ههلسهنگاندنا دورهێلى و رهوشا دهڤهرێ كرینه.
ژلایێ خوه ڤه بارزانى سوپاسییا ههڤكارییا ههڤپهیمانییا ناڤدهولهتى ل عێراقێ و ههرێما كوردستانێ د شهرێ د ژى داعشێ دا كر، و ئاماژه دا گرنگییا مهشقكرنا پێشمهرگهى ژلایێ هێزێن ههڤپهیمانان ڤه.
جنرال بیلى خۆشحالییا خوه دهربرى ژ ههڤكارى و ههماههنگییا هێزێن ههڤپهیمانان دگهل لایهنێن پهیوهندیدار ل عێراقێ و ههرێما كوردستانێ.
