موقته‌دا سه‌در رێبه‌رێ ته‌ڤگه‌را سه‌در ئه‌ڤرۆ سپێدێ د گۆتاره‌كێ دا دیاركر، ئه‌و خوه ژ حكومه‌تا نوكه و یا بهێت یا عیراقێ ڤه‌دكێشیت و گۆت: ئه‌م پشكداریێ د هه‌لبژارتنێن عیراقێ دا ناكه‌ین.
ئه‌ڤرۆ سپێدێ سه‌رۆكێ ته‌ڤگه‌را سه‌در د گۆتاره‌كا ئێكسه‌ر دا ڤه‌كێشانا خوه ژ حكومه‌تا نوكه یا ئیراقێ راگه‌هاند و دیاركر كو وه‌زیرێن وى ئێدى د حكومه‌تا كازمى دا كار ناكه‌ن، د په‌یڤا خوه دا سه‌درى دیاركر؛ ئه‌ڤا نوكه ل ئیراقێ رودده‌ت پیلانه‌كه بۆ ره‌زیلكرنا خه‌لكێ ئیراقێ.
سه‌در د ده‌ستپێكا گۆتارا خوه دا په‌یڤه‌كێ پێشكێشى ئیراقێ دكه‌ت و دبێژیت؛ ئیراق هه‌موو جوانیێن ته هاتینه ژناڤبرن و هه‌موو كرێگرتى هاتینه پله‌بلندكرن، تو كریه كاڤل و پرى ره‌زاله‌ت، بۆ پاراستن و رزگاركرنا ئه‌وا مایى ژ وى وه‌لاتى یێ كو گه‌نده‌لكاران سۆتى و د به‌رده‌وامن ئه‌ز وه ئاگه‌هدار دكه‌م كو ئه‌ز پشكداریێ د هه‌لبژادنان دا ناكه‌م، وه‌لات ژ وان هه‌موو تشتان گرنگتره. ئه‌ز ڤه‌كێشانا خوه ژ هه‌موو كه‌سێن گرێداى حكومه‌تا نوكه و داهاتى رادگه‌هینم.
