ئهمریكا چینێ ب هاككرنا ئێك ژ خزمهتگوزاریێن كۆمپانییا مایكرۆسۆفتا ئهمریكی ل پهكینا پایتهختێ چینێ تۆمهتبار دكهت.
چین ساگی، پهیڤدارێ كۆچكا سپی راگههاند؛ 30 هزار سازیێن ئهمریكی و جیهانی كهڤتینه د دهستێ هاككهرێن سهر ب وهزارهتا ئێمناهییا چینێ دا كو هژمارهك ژ وان سازیێن حكومی نه و ل ههمبهر ژێبرنا وان داخوازا ملیۆنان دۆلاران دكهن، دیار ژی كر، ئهوان ل گهل ههر ئێك ژ ههڤپهیمانییا ناتۆ و ئێكهتییا ئهوروپا ب توندی چین شهرمزار كرینه و وهزارهتا داد یا ئهمریكا بڕیار دایه سزای ب سهر چار هاككهرێن وهزارهتا ئێمناهییا چینێ دا ب سهپینیت و دهست ب لێكۆلینان كرینه.
ههروهسا ژاو لیجیان، پهیڤدارێ وهزارهتا دهرڤه یا چینێ تۆمهتێن ئهمریكا رهت دكهت و راگههاندییه؛ ئهمریكا مهزنترین ژێدهرێ هێرشێن ئهلیكترۆنی یه و داخواز ژ ههڤپهیمانێن خوه دكهت، كو دزیێن ئهلیكترۆنی ل دژی وهلاتێ وان ب راوهستینن و ئێدی دهستێن خوه یێن پیس ب چینێ پاقژ نهكهن و لێكۆلینێن خوه ژی ب راوهستینن.
رێكخستنا ئهمنێستی یا جیهانی ژی ل ههفتییا بووری ئاشكهرا كربوو كو ب رێكا بهرنامهكێ ئیسرائیلی بزاڤ هاتینه كرن سیخوری ب سهر موبایلێن 50 هزار چالاكڤان، رۆژنامهڤان و سهركردهیێن وهلاتی دابكهن و بهرههم سالح، سهرۆككۆمارێ ئیراقێ و ئیمانوێل ماكرۆن، سهرۆكێ فرهنسا ژی د ناڤا وان دا بوون.
